今天的我~全日痴痴的笑著.....講番今日先~朝頭早~如常la~中史堂講書~聽o下抄o下咁我覺得好厭煩=.=~英文堂冇咩特別~P.E堂King sir有o野做~吳sir代課~教個同學仔打羽毛球~都幾好玩~聽人o地傾計無意中聽到一d關於某同學ge我一直全不知情~意想不到ge事~中文堂講書~愈o黎愈覺得周老師好好玩^^~數學堂派test~如我所料屎o左~-_-"~不過我唔會放棄ga~會繼續努力~文學堂講完書之後問書~好彩冇叫中我~而且有幾題我都識答^^~希望聽日ge test可以順利過關^^地理堂~愈o黎愈覺得個阿sir唔識教~又傻傻o地~@@放學返到屋企下載Tony ge專訪~勁好睇ar~Tony好似係介紹佢屋企~佢仲教整冬蔭功~仲有騎佢養ge兩隻象~聽唔明d泰文up乜真係好可惜~不過聽到Tony把聲我已經好開心^o^~個專訪最後Tony仲高歌一曲~雖然聽唔明佢唱乜~不過真係好好聽^o^~估唔到佢唱歌咁好聽ga~Tony ge歌聲令我如痴如醉.....^^食飯果陣諗起竟然會傻痴痴咁笑~夜晚做完功課溫書~溫完書寫日記~差唔多~咁又一日~諗起Tony個心就會卜卜跳~好似係度跳彈床^o^
神話真係冇想像中咁好睇=.= 講番今日先~朝頭早~訓得好夠~上上o下網先諗起聽日係戶外崇拜~慘la~d功課點算?而且聽晚仲要去人o地屋企~哎呀呀~本來仲諗住下晝去睇成龍ge"神話"tim~-_-~唯有改變主意食完飯返屋企開工la~搞到我本來都冇哂心機ga la~點知又俾老豆諗到個兩全其美ge方法~就係睇完戲返屋企做功課~夜晚唔去食飯等佢o地買外賣俾我~又得bor~多謝老豆~錫哂你^3^~咁食完飯就去o左睇"神話"~套戲ge製作就真係幾大~不過內容就唔係太有趣~動作就幾搞笑~都冇想像中咁好睇~都係"冬蔭功"好睇d~haha^^返到屋企做功課~中史剪報同歷史評論題真係寫死人~吹水都吹到冇氣la~@@~食完飯之後上網~寫日記~差唔多~咁又一日~好累.......=.=
好多日冇寫日記la~le幾日都忙o左d~講番今日先~朝頭早~訓得好夠~中秋節翌日放假^^~一早起身先上o下網~收到風"冬蔭功"要11月先出碟~咁耐ga~唔想等~可唔可以提早出?=.=之後做功課~前兩日完全都冇掂過=.=~做到差唔多之後睇尋日買ge蠟筆小新dvd~好好笑^^~之後同爺爺係msn傾計~晏晝去o左黃埔食飯~去o左行旺角~飲下午茶~間cafe貴到離譜~又冇o野好食=.=~去o左信和買相~真係唔明點解信和冇賣Tony ge相~證明le樣o野係講"人氣"ge~=.=~夜晚去o左佐敦食飯~返到屋企做埋d功課~寫日記~執書包~差唔多~咁又一日~vanness ge第二部戲"猛龍"又要11月中先做~兩樣o野都要苦等.......
今日換o左背景音樂~一首好sweet ge歌~就似我le排ge feel~雖然唔係真係戀愛~不過感覺好似^^講番今日先~朝頭早~如常la~英文堂玩傳波遊戲~玩埋d咁ge o野~幼稚園咩....=.=之後講書~歷史堂真係好悶ar~阿sir係咁問人o野~但係又冇人答~我又唔識答=.=文學堂講書~經濟堂派番個練習~唔係咁理想=.=算la~第一次學~林老師都叫我o地唔好氣餒~班會主席提議中秋節一齊去黃金海岸賞月~搵鬼得閒同你去咩=.=最後參加ge人都唔夠15個~睇o黎係搞唔成囉~今日成個上晝~有3分1時間會諗住Tony~感覺特別sweet~~~~~^v^下晝中史堂講書~地理堂d人好嘈~搞到個懵阿sir把幾火~數學堂講書~放學返到屋企上網~做功課~點解經濟功課咁難做?諗爆頭....=.=~夜晚寫日記~執書包~差唔多~咁又一日~勁期待星期六明珠台播ge"拳霸"ar!!!!即使屋企已經有DVD~家陣仲不時留意住電視播ge宣傳廣告~個音樂竟然係"醫道"主題曲~無奈.....=.=
真真正正咁迷上Tony Jaa la^^講番今日先~朝頭早~如常la~中文堂講書~歷史堂悶到訓著~地理堂勉強聽到書~中史堂又講會考形式~點解都唔教中史ge?=.=~經濟堂要交分組名單~呢個就係我一直心煩ge事la~都未搵到組~我好擔心~一直係咁祈禱~求神幫我~點知上堂果陣都冇人交到名單出o黎~之後上完堂準備出去食飯果陣~就有人走o黎問我有組未~話同我一組~神真係又再一次救o左我~真係好感謝主~佢真係有為我安排^^數學堂又學到o野~好滿足^^~英文堂講書~放學返屋企上網~欣賞Tony ge靚相^^真係愈o黎愈覺得佢可愛^o^~之後做功課~夜晚食完飯寫日記~執書包~差唔多~咁又一日~講番起點解鐘意Tony~係一次睇佢係"東張西望"ge專訪~覺得佢好可愛~就有興趣去睇"冬蔭功"~非常仰慕佢了得ge功夫~之後買"拳霸"dvd睇~就愛上o左佢~我諗如果我一開始有去戲院睇"拳霸"ge話~可能會仲早d鐘意佢~
聽日~又要返學~好難受=.=講番今日先~朝頭早~如常la~英文堂交o左暑作lu~希望佢會收貨la~地理堂個人認為個阿sir教得幾唔掂~難怪ge~邊有人第一堂會要班學生影全體相ga?佢個人K怪到屎=.=數學堂俾阿sir點出o黎答題~最後一個學號都嗌~無奈=.=答錯o左~算la~預o左ge~Oral堂原本個老師o黎唔到~暫時由Mr Lee代~玩埋哂d無里頭遊戲=.=~經濟堂講書~文學堂要逼人報朗誦活動~報o左散文集誦~集會堂搞班務~收回條~張老師講佢d人生經歷~原來佢都有可愛ge一面~到中年先學識踩單車同游水~不過我唔會笑佢ge~因為我兩樣都唔識^^"選o左班會幹事~放學返到屋企上網~做功課溫書~夜晚食完飯睇電視~寫日記~差唔多~咁又一日~心煩煩咁~梗係因為"o個個問題"la~我唔想講亦唔想提~交俾神安排la......
前言~冇o野好講~講番今日先~朝頭早~如常la~今日係一年一度ge水運會~兼係第一次搞全日~勁唔想去囉=.=去到先同張老師報到o左先~之後搵個位仔坐~開幕禮真係如預料般無聊=.=~之後d比賽都冇咩好睇~想訓又訓唔到~皆因d啦啦隊發哂癲係咁嗌~嘈到都訓唔到~好唔容易捱到食晏~大把時間行o下街先去7仔食個飽~又去o左突破涼冷氣兼睇書~返到去報完到又坐~終於到最好睇ge友校賽~今年男子DBS又囉第一~女子又係協恩~完o左之後阿媽接我~去o左shopping飲o野~返到屋企上網~下載Tony Jaa專訪~佢好鬼cute ar^^可能又將會成為我新偶像^o^~夜晚寫日記~差唔多~咁又一日~聽日總算有假放~咁就算la~
唔知大家覺得我寫果篇"悼"感唔感人呢?講番今日先~朝頭早~訓得好夠~花o左成晚download一集"東張西望"~都未download完=.=食完個麥當勞早餐之後返教會崇拜~又要借PSP俾人玩la~佢o地崢都傻傻o地ge~玩太鼓達人打最最最難果首~發哂痴咁禁都玩唔到~都仲要繼續玩~都唔知而家d細路諗咩ge~晏晝係教會食飯~之後d大人聽健康講座~我同d細路打波捉棋~之後行o左一陣街就去食飯~返到屋企寫日記~差唔多~咁又一日~唉.....勁唔想去聽日ge水運會ar~我又唔係比賽~去到淨係齋坐~實行悶屎la=.=
