畢業禮「演習」趣聞~

成日係度post故事~會唔會覺得好寡、好悶?偶然都講o下日常生活發生ge事la~

今日畢業禮「演習」~係好唔情願ge狀態之下番去~
但係所發生ge趣聞竟又笑大我個口~
包括以下：
1.原來台上頒發ge絲帶證書~竟然只係道具！？真正畢業證書將於課室派發~
2.頒發俾優異學生ge大獎杯竟然亦只係道具！？真正獎品—小獎杯將另行頒發~
以上兩點充分反映出~畢業典禮只係一個「扮o野」ge一項儀式而已.....=.=

3.李副校及啤榮模擬頒發證書儀式~
Cast:
李副校 飾演 葉校長
啤榮 飾演 讀名司儀
其中啤榮竟然要求同學於姓名卡上標示姓名注音(若難讀的話)
以上一點足以證明啤榮之文盲程度~

4.其中上台一名男同學長髮程度驚人！
簡直嚇死人0_0

5.臨尾派發同學錄~d相及插圖都勁樣衰~而且大半為黑白~
好彩冇買o者~

放人時間竟然落雨~又失策冇帶遮~係門口企陣等~
竟然冇端端遇到「已故」ge何sir.....
但係~我都冇乜點反應~只係對佢輕輕點頭~
放心~我唔會再對佢有越軌感情~
因為~我已經講明佢係「已故」......

另一方面~今日亦換o左blog頭像~
3D Ash哥~魅力爆登>3<
真係吊起我條癮呀~好想玩KOFMI．A呀!!!!!

對於尋日火燒心事件~我心中團火雖然已經淋熄~
不過~我還是希望應該反省ge人懂得反省~
如果大家都有錯~咁就大家一齊反省~
總之~唔好作出無謂ge抵賴!!!